చిన్న మాట

మనం చేసే ప్రతి పని ఎదుటివారికి ఇబ్బంది కలగకుండా వుంటే అంత కన్నా మంచి పని ఇంకోటి లేదు.

పెద్దలు చెప్పిన మాటలు....

మన ప్రవర్తన నలుగురికి ఆదర్శ ప్రాయంగా ఉండాలి కాని పదిమంది అసహ్యించుకునేలా ఉండకూడదు...

చిన్న సలహా....

మిమ్మల్ని నమ్మిన వాళ్ళను మోసం చేసి అందలాలు ఎక్కాలనుకోకండి...
అది ఆత్మ ద్రోహం అవుతుంది. మీకు ఆత్మే లేదంటారా!! ఐతే సరే....

ఇష్టము

ఒక మనిషిని మనం ఇష్టపడ్డాము అంటే ఆ వ్యక్తిలోని మంచి చెడు రెండు ఇష్టపడినట్లే....

మాట ముత్యమైన వేళ....

మాట్లాడటం కుడా ఒక కళే.....ఎదుటివారిని నొప్పించకుండా మాట్లాడే వారిని ఇష్టపడని వారు వుండరు. ఏదోఒకటి మాట్లాడటం కాకుండా ఎదుటి వారికి సంతోషాన్నిచ్చేటట్లు.....మాటలు ముత్యాల మూటలు.... అన్నట్లు వుంటే మిమ్మల్ని ఇష్టపడనివారు ఉండరంటే నమ్మండి!!

మానవత్వం

ఒకరి సాయాన్ని తీసుకుని అది మర్చిపోతే మానవత్వం అనిపించుకోదు...

సాయం

మనకు చాతనైతే ఎదుటి వారికి సాయం చేయాలి లేదా దూరం గా వుండాలి అంతే కాని తెలిసి హాని చేయకూడదు.

విజయపధం

ప్రతి మనిషి జీవితంలో ఏదోఒక పని చేయగలడు కాని అన్ని పనులు ఒక్కడు మాత్రమే చేయలేడు ....కాబట్టి మనలోని జిజ్ఞాసను గుర్తించి మనం చేయగల పనిలో ముందుకు వెళ్ళగలిగితే విజయం మనకు సొంతమవుతుంది తప్పకుండా....

జీవితం

సమస్య జీవితకాలం మన జీవితకాలం తో పోల్చుకుంటే చాలా చిన్నది...అందుకే సమస్యను చూసి భయపడకండి, ధైర్యంగా ఎదుర్కోండి..ఈ రోజు వున్న సమస్య రేపు వుండదు అలాంటి దాని కోసం మనం భయపడటం అవసరమా!! ఎంతో విలువైన జీవితాన్ని పాడు చేసుకోకుండా పడిలేచే కడలి తరంగాన్ని ఆదర్శంగా తీసుకోండి. తప్పకుండా విజయం మీ సొంతమవుతుంది. గెలుపు రుచి తెలుస్తుంది.

అవకాశం...

శత్రువులని స్నేహితులుగా మార్చుకోడాని ప్రయత్నించాలి కాని ఒక్క స్నేహితుని కుడా శత్రువు గా మారే అవకాశాన్ని కల్పించ వద్దు.

తప్పొప్పులు

మనం ఎదుటి వాళ్ళకు ఒక వేలు చూపిస్తే మనవేపు నాలుగు వేళ్ళు చూస్తూ వుంటాయి...ముందు ఎదుటి వాళ్ళలో తప్పులు వెదకడం మానేసి మనలోని తప్పులను, లోపాలను గుర్తించి వాటిని మార్చుకుంటే అప్పుడు ఎదుటి వాళ్ళలో మంచి కనిపిస్తుంది...నా దృష్టిలో తప్పులు చేయని వారు వుండరు కాని తప్పును ఒప్పుకుని దాన్ని సరిదిద్దుకునే వాళ్ళు ఎంతో ఉన్నతులు....

మరో చిన్న సలహా

స్నేహితులని తిట్టేటప్పుడు పక్కన ఎవరు లేకుండా చూసుకోండి...పొగిడేటప్పుడు మాత్రం అందరి మద్యలో పొగడండి...ఇది నాకు నా నేస్తం ఇచ్చిన సలహా....నిజమే కదా!!

కోపానికి.... రెండో సలహా....

ఎవరి మీదైనా బాగా కోపం వచ్చింది అనుకోండి... నాలుగు రోజులు మాట్లాడకుండా వుంటే సరి..కోపం దానంతట అదే తగ్గుతుంది..నిజం గా..ప్రయత్నించి చూడండి...!!!
(మళ్ళి నాలుగు రోజులకి తగ్గలేదంటారా...ఇంకో నాలుగు రోజులు మాట్లాడకండి...:)

చిన్న సలహా

అందరికి తెలిసినదే ఇది అయినా చెప్తున్నాను....రెడీ గా వున్నారా!!
కోపం వచ్చినప్పుడు ఒకటి నుండి పది వరకు అంకెలు లెక్కెట్ట్టుకోండోచ్.....!!